Afaq Əhmədova

Afaq Arif qızı Əhmədova Bakıda anadan olub. “Gələcək zəkalar” liseyində, Bakı Dövlət Universitetinin Jurnalistika fakültəsində (1996-2000) təhsil alıb.

1997-ci ildən Azərbaycan televiziyasında aparıcı kimi işə başlayıb. 2006-cı ilə qədər “Xəbərlər və ictimai-siyasi proqramlar” redaksiyasında aparıcı vəzifəsində çalışıb. 2006-cı ildən “Azərbaycantelefilm” Yaradıcılıq Birliyində aparıcı-redaktor, sonra “Kino proqramları və Dublyaj” redaksiyasında şöbə müdiri vəzifəsinə təyin edilib. “Xəbərlər”, “Səhər”, “Dünya kino ulduzları”, “Kino-xəbər” və digər verilişlərin ssenari müəllifi və aparıcısı olub. Hazırda Telefilm studiyasının direktor müavinidir.