Əhməd Həsənağa oğlu Cəfərov Bakıda anadan olub. Türkiyədə ərəb-fars dilləri üzrə təhsil alıb. Uşaq yaşlarından filmlərin sınaq çəkilişlərində iştirak edib, kinoya olan marağı da məhz uşaqlıq illərinə təsadüf edir. Filmlərdə kaskadyor, aktyor kimi çəkilir. Rusiya film istehsalçılarının “Dronqo” (2002, rejissor Zinoviy Royzman), “Qraf Krestovski” (2004, rejissor Ramiz Fətəliyev), “Biz sizə müharibə elan edirik” (2010, rejissor İqor Xolodkov) seriallarında kaskadyor kimi çalışıb. Azərbaycan Kaskadyorlar Assosiasiyasının üzvüdür. Müəllimi Əli Məmmədovla birgə çalışır.