Nəzrin Ağamalıyeva

Nəzrin Fuad qızı Ağamalıyeva Bakıda anadan olub.

Azərbaycan Dövlət İqtisadiyyat Universitetində bakalavr, Praqada FAMU Universitetində animasiya kinosu ixtisası üzrə təhsil alıb.

“Azərbaycan Coca-Cola Bottlers LTD” şirkətində dizayner (2017-2019), ANİMAFİLM Beynəlxalq Animasiya Festivalında dizayner (2019-2022), art direktor (2022-ci ildən) kimi çalışıb.

“Hədis” animasiya filmi 45-dən çox beynəlxalq festivalda iştirak edib (bu festivallardan yeddisi – Annecy, Bucheon, Animest, Kaboom, OFF, CINANIMA və İzmir OSCAR kvalifikasiyalı festivallardır), 9 mükafat qazanıb.

2020-ci ildə ANİMAFİLM School adlı animasiya məktəbini təsis edib.

2020-ci ildən, həmçinin, “PERİ FİLM” MMC-də rejissor kimi çalışır.

Azərbaycan Animasiya Assosiasiyasının təsisçilərindəndir.