Gülnarə Baba qızı Abdullayeva Bakıda anadan olub.

Azərbaycan Dövlət Mədəniyyət və İncəsənət Universitetinin Musiqili teatr aktyoru fakültəsində təhsil alıb (1996).

Hələ tələbə ikən Azərbaycan Dövlət Estrada Teatrında “Evlənmək istəyirəm” (R.İçərişəhərli) tamaşasında Mehri, “Silindr” (E.Filipo) əsərində isə baş qəhrəman obrazını canlandırıb. Şuşa Dövlət Musiqili Dram Teatrında aktrisa-vokalist kimi fəaliyyət göstərib (2000- 2008). 2013-cü ildən Azərbaycan Dövlət Akademik Musiqili Teatrında vokal artisti-solist vəzifəsində calışır.