Mübariz Əsgərov

Mübariz Ağalı oğlu Əsgərov Ucar şəhərində anadan olub.

1986-cı ildə Azərbaycan Dövlət Universitetinin Jurnalistika fakültəsinə daxil olub, sonradan təhsilini davam etdirmək üçün Moskva Dövlət Universitetinin Jurnalistika fakültəsinə göndərilib (1986-1992).

Azərbaycan televiziyasında (1992-1998) və ANS TV-də (1998) layihə rəhbəri vəzifəsində çalışıb. “Qulp” satirik telelayihəsinin, "Mübarizə" və "Xalq şairi" verilişlərinin müəllifi olub. Xəzər TV və ARB TV-də "Rezonans" verilişinin müəllifi və aparıcısı olub.

2013-cü ildən "Qulp Studio"nun təsisçisi və rəhbəridir. "Obyektiv Milli Dəyərlərin Təbliğinə Dəstək" İctimai Birliyinin sədridir.

2021-ci ildə 6 il müddətinə Milli Televiziya və Radio Şurasının üzvü təyin edilib.

Əməkdar jurnalistdir (2015).