Nabat Məhərrəm qızı Səmədova (Nabat Məhərrəmqızı / Nabat Qurbanova) Qazax şəhərində anadan olub.

Əzim Əzimzadə adına Rəssamlıq Məktəbində Dəzgah rəssamlığı ixtisasında (1974), Ümumittifaq Təkmilləşdirmə İnstitutunda quruluşçu rəssam ixtisasında (1979-1980) təhsil alıb.

1975-ci ildən Lənkəran Dövlət Dram Teatrında quruluşçu rəssam, 1980-ci ildən baş rəssam kimi fəaliyyət göstərib. 1982-ci ildə Sumqayıt Dövlət Musiqili Dram Teatrına baş rəssam təyin edilib (1982-1990). 1999-cu ildən Azərbaycan Dövlət Akademik Musiqili Teatrında çalışır. Bakı Bələdiyyə Teatrında, Gəncə Dövlət Dram Teatrında, Azərbaycan Dövlət İrəvan Teatrında tamaşaların səhnə tərtibatını verib. 60-dan artıq teatr tamaşasının, 20 televiziya filminin quruluşçu rəssamı olub.

Əməkdar rəssamdır (2018).