Novruz Cəfərov

Novruz Adil oğlu Cəfərov (Novruz Cəfərli / Novruz Könüllü) Şəmkirin Könüllü kəndində anadan olub.

Azərbaycan Dövlət İncəsənət İnstitutunun Dram və kino aktyoru ixtisasında təhsil alıb (1971-1975).

Təyinatla Şəki Dövlət Dram Teatrına aktyor göndərilib, uzun müddət orada işləyib (1975-1997). 1997-ci ildən Gəncə Dövlət Dram Teatrının və Gəncə Dövlət Nizami Poeziya Teatrının aktyoru olub.

10-dan çox pyes yazıb, pyesləri səhnələşdirilib. “Komediyalar” və “Sənət fədailəri” kitabları çapdan çıxıb. Teatrda rejissor kimi də fəaliyyət göstərib.

Ağdam Dövlət Dram Teatrının baş rejissoru olub (2017-2021). 2021-ci ildən yenidən Gəncə Dövlət Dram Teatrında işləyir.

“Qızıl Dərviş” mükafat laureatı, Əməkdar artistdir (2013).