Tofiq Səyyad oğlu Musayev Qərbi Azərbaycanda anadan olub.

Azərbaycan Politexnik İnstitutunun Radiorabitə və radioqovşağı ixtisasında təhsil alıb.

Azərbaycan Boru Prokat zavodunda radioqovşaq və telefon ustası (1981-1982), elektromontajçı (1985-1988) olaraq çalışıb. 1989-cu ildən “Azərbaycanfilm” kinostudiyasında işləməyə başlayıb, kinostudiyanın səs sexində mühəndis vəzifəsini icra edib (1990-1991).  Moskvada “EKOL” və “MİAN-İNVEST” firmalarının kommersiya direktoru olaraq çalışıb (1997-2005).

Xarici film istehsalçılarının “SSRİ-də doğulmuş” (2007, Rusiya) serialının direktoru olub.

“Sınaq Film” prodüser mərkəzinin təsisçisi və direktorudur. Bir çox filmlərin prodüseridir.

Prodüser Tofiq Musayev prodüser İlqar Musayevin qardaşıdır.