Yuri Baliyev

Yuri Nikolayeviç Baliyev Dağıstanın İzberq kəndində anadan olub.

Yaroslav Teatr Məktəbinin aktyorluq şöbəsində təhsil alıb.

1975-ci ildən Azərbaycan Dövlət Rus Dram Teatrda çalışıb. “İbrus” Teatrında bir neçə tamaşada oynayıb.

Xarici film istehsalçılarının “Tehran-43” (1980, rejissorlar Aleksandr Alov, Vladimir Naumov / Rusiya, Fransa, İsveçrə) filmində İran terrosisti rolunda, “İgid Xoçbar haqqında rəvayət” (1986, rejissorlar Ashab Abakarov, Mixail Ordovski / Rusiya) filmində səfir rolunda, “Salandar” (1994, rejissor Rafi Pitts / Fransa, Rusiya) qısametrajlı filmində zabit rolunda, “Dronqo” (2002, rejissor Zinoviy Royzman / Rusiya) serialında müəllim rolunda çəkilib.

Xalq artisti Yuri Baliyev 2018-ci ildə vəfat edib, II Fəxri Xiyabanda dəfn olunub.

Aktyor Yuri Baliyev aktrisa Nataliya Baliyevanın həyat yoldaşı olub.